Kisi Shayar ki Ghazal

"umar-e-raftar se na ubhartaa hun maiN "

2011-06-08T06:31:00.000-07:00

.....................

nik_hat-e-zindagee se, bichhadaa hun maiN
kyoN umar-e-raftar se na ubhartaa hun maiN

sabr karta hai kabhi, ye tadapta hai kabhi
dil-e-mujtar se, kuchh nah kahtaa hun maiN

lut jaate hai phulooN se sabnamii khazaane
jo bhulne ki tamanna tujhe kartaa hun maiN

safar-e-shab kaa, eik be-Khayaal musaafir,
yahaN manzil hun maiN, aur rastaa hun maiN

pardaa-e-abr mein thi aag lagane ki khavish
fir dekh ker lou ko kyoN kaamptaa hun maiN

hujuum-e-gurezaa.N meiN, vo mil jaye kahiN
har ek shakhas ko gaur se dekhtaa hun maiN

zakhmi dil, chak jigar,ask-e-besuud ke sang
jashn-e-marg-e-muhabbat, manaataa hun maiN

nik_hat-e-jindagee--fragnance of the life
umr-e-raftaa=past life
dar-pardaa==hidden
safar-e-shab = night time travel
pardaa-e-abr = curtain of clouds

dil-e-mujtar-paresan hriday
hujuum-e-gurezaa.N=running crowd
ask-e-besuud =worthless tears
jashn-e-marg-e-muhabbat=celebration of the death of love

08june2011

Zindagi

2011-02-09T05:42:00.001-08:00

..............

Tujhse milke hui, apni hasti se door zindagi
tu le aaya mere dar pe mouje-e-noor zindagi

tere dil ko, apnaa dil maana hai jabse maine
tou aagaya hai, khud pe mujhko guroor zindagi

teri khushi se tha gham bada to muskura na saki
mohabbat meiN mujhse hua, yeh kasoor zindagi

dil ko sukoon rooh ko chaiN na aayaa ab talaQ
dekh! halat ne kiya kaise mujhe majboor zindagi

na khyaal hai khud ka, na koi aarzoo ki khabar
teri furkat meiN ho chuki hun be-noor zindagi

beete lamhon ke ehsaas dubara laut aayein to..
fir lout aayega mohabbat ka vo suroor zindagi

hai saheraN se bhi veeran mere dil ki vadiyaN
har kadam mera hai kanto se bhar poor zindagi

09/02/11

"uskaa dil mere saath mere kafaN meiN rahe"

2011-02-09T05:39:00.000-08:00

................

vo iskadar mere dilki, madhubaN meiN rahe
jaise zakhmoN ke nishaaN badaN meiN rahe

kabhi aansoo banke kabhi sor-e-nagma banke
us mutareeb se kaho mere anjumaN meiN rahe

narm narm fizaa, khilkhilate phlooN ke sang
uski tan ka khusboo, mere chamaN meiN rahe

uski khayal barsaati hai, mohabbat muj per
vo haseeN khwab banke mere nayaN meiN rahe

chaar chaand lag jatii hai khubsoorti meiN,
saadgi agar, hasino ke pehraN meiN rahe

jis falak per rahooN meiN sitaaraa ban ke
woh mohataab ban ker, usi gagaN meiN rahe

na tooteyga kabhi milan kaa silsila "Diya"
gar Dil uskaa saath mere kafaN meiN rahe

marke bhi na tootey ye dil ka ristaa Diya
uskaa dil mere saath mere kafaN meiN rahe

07/02/11

"jaise zindagi gumshuda hai"

2011-02-04T06:37:00.000-08:00

......................

Thora pilade jaam saaki, ye dil afsurda hai
mohabbat ne dubaaraa, mera jigar kureda hai

munaasib yehi meraa bharam na tootey kabhi
tujhpe hi to sanam meri rooh or dil fiida hai

ye haal hai meraa ya rab, sar-e-dayar meiN
tham gayi hain saanse par ye jism jinda hai

khalish-e-naaz ka shor kaise sunaaye tujhko
khade hai ru-ba-ru magar darmiyaN parda hai

jis roz nikal fenkii maiN, dil se tamanna teri
jee rahi hun aise, jaise zindagi gumshuda hai

meri haqiQat se muQabil hoke kaha usne Diya
khwahisheiN humesha tere auQaat se jyada hai

afsurda-mujha hua
khalish-e-naaz- hridaya ki pukar
muqabil-samne, sammukh

04/02/11

"kaise, khud badal gayaa mujhko badal ke...? "

2011-02-04T06:33:00.000-08:00

................

Nayi libas odh ke naye sanche mein dhal ke
kaise milooN maiN tujhse pehchan badal ke

tujh meiN hi tou basti hai duniyaaN merii
kahaN jauN, ab maiN tere koche se nikal ke

tera aana, mujhse milna fir, yuN chale jana
bikhar jaati hai rait jaise haathon se fisal ke

woh shamma-e-ulfat mere dil meiN jalaa ke
kaise, khud badal gayaa mujhko badal ke...?

jis, bewofa ke shaaN pe tum kahte ho ghazal
woh, humraaz the tumhaare gujre huye kal ke

ba-umeed ka chirag, na bujhega tere jane se
na badlegi "Diya" na badlenge roop ghazal ke

02/02/2011

"usi ke soch meiN khoya karooN maiN"

2011-01-31T02:15:00.000-08:00

...........................
Ummeed_e_deed rakhooN, sapna sanjoya karoo maiN
Dil ko tasalli dun, yaa tut kar roya karoo maiN

Zard raateiN, sard mousam us per tanhai ka alam
aa dard-e-hijr suna ke chain se soya karoo maiN

toote khawaboN ke tukde chubhte hai nigaahoN meiN
prem ke moti kaise, palkoN pe piroya karooN maiN..?

aarzoo hai, tere pahloo meiN sir jhukaa ke rouN
hasauN, satauN, aur tujh meiN samoya karooN maiN

mere girte ashQoN ko gar aasraa ho damaan tera...
badi siddat se, in aankhoN ko bhigoya karooN maiN

uski chahat meiN nasha aur nafrat meiN bhi nasha
duje nashe meiN khud ko kyoN duboya karooN maiN

bhale mohabbat ke baad bhi ho mohabbat usko Diya
dil kahta hai usi ke soch meiN khoya karooN maiN

31jan2011

"JahaaN chhu na sake meri yaadoN ki parchhai"

2011-01-07T06:50:00.001-08:00

wahaN sajegaa tera sehraa, bajega sehnai
yahaN khub royenge, maiN aur meri tanhai

sitaroN meiN dhundti hun maiN chehra tera
tere hijr meiN kai raateiN, needeiN ganwai

thi hirni si chanchal chulbuli si meri ada
kabhi masti leti thi mujh meiN hii angdai

tha zabt-e-junuu.N, josh-e-junuuN se bada
ya khuda kyuN sajde meN mili mujhko ruswai...?

huaa maloom tab, isi dil se tera kya ristaa
soch ke tujhko, jab meri aankhe bhar aa-ii

zindagi le jaa ab unhein, us sarhad ke paar...
jahaN chhu na sake meri yaadoN ki parchhai

zakhmi umiidoN ka damaN chhor bhi do "Diya"
bichhar chuka hai kabse tera vo rah-numaaii

[zabt-e-junuu.N=self control]
[josh-e-junuu.N=uncontrolled frenzy;

[rah_numaa_ii = guidance/to show the path]

17dec2010

"kuchh bhi nahiN bacha teri aabruu meiN"

2011-01-07T06:45:00.001-08:00

ye hausalaa-e-diid dekh tere aarazuu meiN
jaan-e-jaNaa banaaya tujhko justajuu meiN

isi khayaal se bechain hai mere rag-e-dil ....
kaise karooN bayaN haal-e-dil guftguu meiN

yeh tere husN kaa jalwa hai, ya mera vaham
tu hi tuu dikhtaa hai mujhko char-suu meiN

dilke chaman meiN, khila mohabbat ka phool
Mahkti rahe yeh zindagi usi ki khusbuu meiN

kuchh kahne ki jurrat na kar mere jazb-e-dil
aaj be pardaa hone de hume ru-ba-ruu meiN

rukh-e-zindagi se naqab utha kar chal "Diya"
aur, kuchh bhi nahiN bacha teri aabruu meiN

rag-e-dil=nerve of the heart

[hausalaa-e-diid=courage to see/view]

08 sep 2010

"yeh mumkin nahiN, ki dilse bhulaauN tujhe"

2011-01-07T06:42:00.001-08:00

"yun to har ghazal mein hota hai zikr uska
magar yeh Haqiqat bhi ab samjhana hai usse"

Munaasib ehi ki, ab gale na lagaauN tujhe
yeh mumkin nahiN, ki dilse bhulaauN tujhe

hai manzil alag, aur raste bhi judaa judaa
jana hai dur tanha, fir kyuN le jaauN tujhe

ta-umr mera hi hai tu yeh tasalli hai dilko
Qissa koi sunaker main, ab na rulaauN tujhe

manga hai kisi aur ne tujhe mannat meiN apni
khafa na hona mujhpe, gar use de-aauN tujhe

teri hi kahlaungi, jab tak hai saanseiN meri
tu hai mera sarmaya, per ye na bataauN tujhe

kash, seene se lagaa ke mujhe vo kahe "Diya"
tu hi meri zindagi, chor ke kahan jaauN tujhe.

30aug 2010

" koi kamal ka ho patta per sabnam nahi hai.."

2010-08-25T08:12:00.000-07:00

.....................

kahte haiN sab yahaN tu mera sanam nahi hai
khamosh hai lab aise ki baki, sharam nahi hai

Bichhda jo tujhse to yeh mahsoos hua mujhko,
Hijr ke dard ka, duniya me koi marham nahi hai.

khaak hoke is zameen ki chhu liyaa aasmaaN
kahiN yeh mere dil kaa, tou bharam nahi hai..?

Tere hi khuda ka banaya hua insaaN hun maiN,
kyoN is ek bande pe uska koi, karam nahi hai.

jholi mein dal ke tujhko, fir cheen liyaa mujhse
us rab ki mujhpe yeh meharbani, kam nahi hai

bin tere dikhti hai ab aise adhuri, terii "Diya"
jaise koi kamal ka ho patta per sabnam nahi hai..

august 11/2010

"gunah kar ke khudse kaise mukar jaayeiN hum "

2010-07-30T02:28:00.000-07:00

.............

Bhale dil ki baateiN kis se na batlaayeiN hum
gunah kar ke khudse kaise mukar jaayeiN hum

kya qayaamat hai ki mera sayaa hi mera raqeeb
apni parchhayi se kaise pichha chhurayeiN hum

dard se bhara dil aur zakham se chhalni jigar
ye tajurba mohabbat ka,ab kisko sunaayeiN hum

har naQaab ke pichhe chhupa hai ek aur naQaab
badaltee shaql ke sath aawo dil behlaayeiN hum

kahaaN kisi ko naseeb huaa hai baaghay jinaan
ek saraab ke pichhe kyuN waQt gaNwaayeiN hum

tapak raha hai lahu mere dilki deewaroN se Diya
aise haalat mein kab tak aur, muskuraayeiN hum

22july2010

"Aalam-e-tanhaayi kaa, lutf bhi likho na "

2010-05-11T04:25:00.000-07:00

kaisi hogii milan kii, vo ghari likho na
mujhse hui thi kaise, dil-lagi likho na

hijr ke dard se liptee hue meri yaadeiN
Aalam-e-tanhaayi kaa, lutf bhi likho na

shab-o-sehar rahtaa hai mera hi khiyaal
ruut khizaan ki lagti hai bahaar si likho na

phool khilata hai aur mehakta hai gulshan
bin tere zindagii meri suni suni likho na

aankhon ko samundar, surat ko chaand
jamaal ki tareef meN, tahreer koi likho na

gar yun duur na hoti Diya ki basti tujhse
deedaar kaise karte tum vo kabhi likho na

9/5/2010

"tere ishQ kaa huaa, aisaa asar meri jaan "

2010-04-23T09:11:00.000-07:00

tere ishQ kaa huaa, aisaa asar meri jaan
koi aata nahi aur mujhko nazar meri jaan

seene meiN hai dil ,aur dil meiN dhadkan
teraa hi teraa har -soo, basar meri jaan

sataate ho aise ki jaise ajnabee hun maiN
kyaa karoge, rooth jaaun agar meri jaan

har ghadi har lamhaa, bas tere hi khiyaal
chor ke jaaun tujhko, kis dagar meri jaan

mahtaab saa chehre per aftaab saa noor
jaise, aasmaan se aaya hai utar meri jaan

teri ek hi nazar ne kiya ,khud se bekhabar
ab na dekh mujhko tu, is kadar meri jaan

mile meri har khusi, duaaoN meiN tujh ko
de de apna gham mujhko udhar meri jaan

na jaane kab pura hoga meraa yeh armaaN
rakhungi tere seeney pe apna sar meri jaan

dekh loon jee bhar ke tujhe Qazaa se pahle
fir ,terii aagosh meiN jaaun mar meri jaan

jab mout ke bistar per, so jaayegi "Diya"
aansoo se na sajaana uski kabar meri jaan

23 apr 2010

"KyuN khafaa is tarhaa huye jaa rahe hai "

2010-04-23T09:03:00.000-07:00

......................

KyuN khafaa is tarhaa huye jaa rahe hai
ashQ ghamo ki khud hi piye jaa rahe hai

aadat hai logoN ka yahaN nastar chalana
hum chak-e- zigar bas, siye jaa rahe hai

tumse juda hone ka gham nahi hume ab
yadein tumhari saath jo liye jaa rahe hai

apne hi laash ko uthaye hue kandhe per
zindagi tujh pe ehesaan kiye jaa rahe hai

kuchh tamannaoN ko lafzoN meiN dhal ker
juzbaat ki kitaab unhein diye jaa rahe hai

ajaye vo firse humare dil dukhane ko Diya
isi umeed se hum bhi, jiye jaa rahe hai

21 april 2010

"rakhegi tujh ko yaad bhulaane ke baad bhi "

2010-04-08T01:37:00.000-07:00

.....................

baki hain yadoN ke nishaN mitne ke baad bhi
Dil meiN basa hai tu, bichharne ke baad bhi

khushboo fizaaoN mein hai , ab bhi mojood
tut ke daali se phool, bikharne ke baad bhi

shamma teri mohabbat ki is dil meiN sanam
jalti rahegi sadiyaaN gujarne ke baad bhi

aankhein mundooN to chehra dekhti huN tera..
dur nahiN tu mujhse ,dur jaane ke baad bhi

chaahat hai teri Qurbat magar, Qismat meri
ho na sakungi terii tujhse lipatne ke baad bhi

ajnabi they, fir se dono ajnabi ban jayenge
raah-e-ishQ meiN, saath chalne ke baad bhi

ashQoN ko tabassum mein chhipaa ker "Diya"
rakhegi tujh ko yaad bhulaane ke baad bhi

"bekhabar rahe tu, maiN tujhse pyaar karooN "

2010-04-08T01:35:00.000-07:00

.......................

Jee chahtaa hai tujhpe jaan nisaar karooN
bekhabar rahe tu, maiN tujhse pyaar karooN

mujhko khabar hai tu milne na aayega ,magar
dil kahta hai kuchh der aur intezaar karooN

terii yaadoN meiN jagti rahti hun raat bhar
tu gair hai is baat kaa, kaise aitbaar karooN

dil gar aainaa hai meraa, to ask hai tu uska
tere jane k ghum se use kyun tar taar karooN

baitha rahe samne tu aur, tujhko sataun maiN
kaash !ye hasin gunah main baar baar karooN

seeshaa se bhi naazuk hai Dil us kaa " Diya"
maiN pathhar se , kaise us per vaar karooN

29march 2010

2010-01-27T02:03:00.000-08:00

.............

rasm shiddat se nibhaate rahe
hum rote rahe wo rulaate rahe

lahoo aansoo ban ke behne laga
hum peete rahe wo pilaate rahe

daastan un k mashghalooN ki aksar
hum sunte rahe wo sunaate rahe

shab bhar chaiN se bistar per
wo sote rahe, hum phuslaate rahe

zakhm hi zakham haiN jigar per
wo batlaye, hum chhupaate rahe

badi mehnat se kamayi thi izzat
wo mehfil mehfil usse lutaate rahe

roshni hui gayab humare ghar se
wo jashn deewali ka manaate rahe

humare dil meiN khud reh kar Diya
hume apne dil se wo mitaate rahe

27jan2010

"beh gayee saari hasrateiN meri ashQoN meiN"

2010-01-25T02:37:00.000-08:00

.................................
beh gayee saari hasrateiN meri ashQoN meiN
ab machalte nahiN khwab meri aankhoN meiN

phela raha hai nafratoN ka zehar jo char soo
woh masihaa ban ke baithaa hai logoN meiN

tere iraadoN se waaqif hooN maiN barsoN se
mat uljhaa mujhe tu in siyaani baatoN meiN

chhupaayaa hai duniya se is nayab daulat ko
danish-war jisse dard kehte haiN lafzoN meiN

vo qareeb ho kar bhi, tujhse kooso door raha
farQ rahaa kiyaa habibooN aur raQeeboN meiN

ajal dila de mujhe rah-e- haq magar, ye Moula
kar de Diya ko shaamil lakhoN sitaaroN meiN

-Diya

25th jan2010

"ek shakhs meri zindagee ko veeraaN kar gaya"

2010-01-25T02:31:00.000-08:00

....................

Hua rukshat to mujh pe, woh ehsaaN kar gaya
ek shakhs meri zindagee ko veeraaN kar gaya

yeh kaun aa gaya mere khawab-o-Khayaal meiN
jo mujhse hi mere kirdar ko anjaaN kar gaya

khauf-e-khudaa kiya na kuch khayal kiya mera
jaate-jaate woh merii maut aasaaN kar gaya

tez barish meiN uj_de ghareeboN ke aashiyaaN
abke saawan purii basti ko shamshaaN kar gaya

majboor is Qafas meN armaaN ab bhi haiN zinda
jeene kaa yeh jazbaa mujhe hairaaN kar gaya

aansoo pite sisakte lab puchhte haiN ke "Diya"
vo hai kouN meharbaan jo tujhe bejaaN kar gaya

8th jan2010

" khaaye haiN fareeb itne is zamaane se "

2010-01-08T02:52:00.000-08:00

.................
khaaye haiN fareeb itne, hum is zamaane se
ke aane lagaa hai mazaa ab dil ko jalaane se

Qatilanaa andaaz vo Qayam, ab bhi hai unka
baaz aate nahi dil ko dukha kar manaane se

aa jee bhar k dekh tu apni berukhi ka manzar
gunaah naa honge kam, palkeiN jhukaane se

halat ki aandhiyon ke sang beh rahi hun maiN
kya milega zindagee tujhe, mujhko aazmaane se..?

DiloN ke darmiyaN duriyaaN jo la chuki haiN ab
vo Faasle nahi mitenge, tere mere mitaane se

koii puchhe mere mout kaa sabaab to kah dena
Huaa bekhudi-e-shoQ meiN hosh doob jaane se

-Diya

15jan 10

" in mehkate fizaaoN meiN tera naam likh diya "

2010-01-08T02:50:00.000-08:00

.............

in mehkate fizaaoN meiN tera naam likh diya
phool phool patti patti sar-e-aam likh diya

teri nazroN meiN daikha jo pyaar ka samundar
maine dil k sahil pe tujhko salaam likh diya

meri tishnagee ko tujhse hi milti hai rahat
chhlke aankhoN se ashq to tune jaam likh diya

ya rab, uske dum se hai mere duniyaaN kayam
tune lakeer meiN mere khusi tamaam likh diya

na daulat hai, na shohrat ,na husN be-misaal
fir bhi tumne nachees ko gulandaam likh diya

milti hai teri Qurbat meN baaghay jinaaN mujhe
sajde meiN teri "Diya" ne yeh kalaam likh diya

gulandaam = Beloved, who is as soft as a flower

baaghay jinaan- Jannat

07jan10

"tum se koi shikwaa yaa gilaa na karenge"

2010-01-08T02:47:00.000-08:00

................

tum se koi shikwaa yaa gilaa na karenge
kasam tumhari tumhe ruswaa na karenge

agar maayusi ho hasil is riste se tum ko
tou samne tumhare hum aayaa na karenge

tere talakh lafzon se hon tukre dil ke
zubaaN per uff talak laayaa na karenge

jis chaman meiN mile khaar kii chubhaN
us chaman meiN dubara jayaa na karenge

jab tum hi chupaye apne ghamoN ko humse
hum bhi apne zakhm ko dikhaya na karenge

jee bhar k dekh loon tumhe Qaza se pahle
ab ke baar gaye to fir ,aaya na karenge

22 dec09

silsila tuuta wafa ka to khud tamaam hua

2009-11-18T02:41:00.000-08:00

..............................

silsila tuuta wafa ka to khud tamaam hua
meraa yaQeen bewafaaii kaa gulaam hua

ibtida e ulfat ke badle ye naseeb hua
mera kirdaar sar e aam yuN nilaam hua

mujhse bichra jo tu to mujhko bhula baitha hai
tujhe bhula duu , na mujhse ye ek kaam hua

mere habeeb tere iss Qadar huii maiN Qareeb
ho ke badnaam bhi hua to mera naam hua

baghair yaar bhi tanha na the , ye saya tha
mere khudaa ye teraa kaisaa intezaam hua

Diya yaQeen kaa bujhne laga jo unn ke bhii
bas apne rishte ka uss din se raam raam hua

5oct 09

thahar jao sanam haseeN raat baki hai

2009-11-18T02:36:00.000-08:00

..................

thahar jao sanam haseeN raat baki hai
rasm-E-muhabbat ki saari baat baki hai

kar diya hai main ne chaahat ka izhaar
tere labooN se ab ye soughaat baki hai

shuru yeh silsila toh ussi roz huaa thaa
kahaa thaa jab tum ne iltifaat baki hai

sulagti hai raateiN meri, sulagte haiN din
Dilbar tere pyaar ki barsaat baki hai

guzar na jayeN kahin ye pal bekhudi ke
suna bhi do ulfat ki jo bisaat baki hai

jalti hai "Diya" tere ishQ ki aatish meiN
aur keh rahe ho tum , shuruwaat baki hai

9th nov 09

Gum tere ishQ kaa sine meN dabaa rakha hai

2009-11-18T02:34:00.000-08:00

......................

Gum tere ishQ kaa sine meN dabaa rakha hai
Makbara dil ko tere gum kaa banaa rakha hai

vo mere saaye sey bhi door rehna chahta hai
duaa meiN jis ke liye haath uthaa rakha hai

bewafai teri mashahoor zamaane meiN na ho
isiliye maiNe teraa naam wafaa rakha hai

laakh chahaa teri yaado'N ko bhulaau lekiN
teri deewaangi Ne chain churaa rakha hai

meri khusiyoN ki mukhtsar umar rakhi, ya rab
mukaddar tu ne mera sab se judaa rakha hai

khud ko andheroN ke saaye se bachane keliye
"Diya" umiid kaa seene meiN jalaa rakha hai

19th oct 09

kaha us ne mohabbat meiN aazmahish na kiya karo

2009-09-03T09:09:00.000-07:00

kaha us ne mohabbat meiN aazmahish na kiya karo
kaha maine is se nibhane ki farmahish na kiya karo

kaha us ne dubaara mud kar tum na dekhna mujhko
kaha maine dekhe bina ab gawara nahi jeena mujhko

kaha us ne kitabon ke panne palat kar sochna kyoN
kaha maine sochti hun bin mere tum itna tanha kyoN

kaha us ne judai kaa pal bhi kitna duswaar hota hai
kaha maine jeevan ye fir bhi kis per nishaar hota hai

kaha us ne haatoN mein mehandi sajaa kar milna
kaha maine sar-e-aam chahat apni jata kar milna

kaha us ne wafaa ki umiid nahi e bewafaa tujh se
kaha maine bewafaa sahi nibhaungi wafaa tujh se

kaha us ne kab is begane ko kiska shahaara milega
kaha maine thaam le haath ye tujko kinaara milega

kaha us ne aakhoN ke saare ashQ tum bahaa kar sona
kaha maine meri yaadoN ke Diya tum bujhaa kar sona

02sep 09

karam rab ka hai k duniya meiN meri us sey nisbat hai

2009-08-21T04:39:00.000-07:00

MaiN banda-e-khuda hoo mujhko khuda se mohabbat hai
ajal mil jaaye raah e haQ pe bus itni si chaahat hai

teri Qudrat ki jitni bhi kareyi'n tareef wo kam hai
jahaa'N ki khoobsoorti faQat teri mahaarat hai

mohamad ka khuda hi dehar mai sajdey k laaiq hai
zameen o aasmaa'n bhi raat din mehw e ibaadat hai

wo jis ki aayato'n ka nooh ney naghma sunayaa hai
khuda ki shan e qudrat hai khudai ki wazaahat hai

mili paakizgi lafzo'n ko tere naam se moulaa
zikr e parwardigaar se hui rooh ki tahaarat hai

zarra e khaak hoo mahtaab ki tarha chamakta hoo
khudaaye buzrug o bartar ye sab teri inaayat hai

"DIYA" ko dey diya deta raha auQaat se barh kar
karam rab ka hai k duniya meiN meri us sey nisbat hai

ajal-mout,death

maharat-mahir,talent

wazaahat-define karna

aayaton-Quran ke lines

tahaarat-pak

parwardigaar-rab ,god ,khuda

buzrug-rutbe k liye use hua hai

२१/अगस्त 2009

ishq tujh se kiya to kya paaya

2009-08-19T01:50:00.000-07:00

........

ishq tujh se kiya to kya paaya
zillato'n ka raha mujh pe saaya

mai muntazir raha teri raah meN
too ne patthar ki tarha thukraaya

tera mujh se milan tha na mumkin
khud apne dil ko bara samjhaaya

mai ghani hoo mujhey kaisa gham hai
teri yaadein hai mera sarmaaya

kitni dilkash khuda ki qudrat hai
tum ko daikha to ye khyaal aaya

teri ranjish ko bhi khuda ki Qasam
apni qismat samajh ke apnaaya

teri tasveero ko in haatho se
mai ne khoo'n rotey huwey dafnaaya

jaane kyoN jeene ki tamannaa kii
ashQ meraa kabhee na tham paayaa

31 july2009

AansooN se tar ho meri nazar tum ko is se kya

2009-08-06T04:55:00.000-07:00

........

AansooN se tar ho meri nazar tum ko is se kya
yaa toote mere Dil pe Qehar tum ko is se kya

tanhai mujhe das rahi hai saaNp ki tarah'N
furqat se mujhe lagta hai dar tum ko is se kya

roti hai shab ki be basi taqdeer se mil kar
gham khuwaa'N hai mere dukh ki sehar tum ko is se kya

Qisse hamarey jab se huwey aam zubaa'N par
tab sey udoowey jaa'N hai shehar tum ko is se kya

talwar ban ke yaadein barasti haiN tumhari
gar kat bhi gaya mera jigar tum ko is se kya

tum majma e aghyaar mai khushiyo k piyo jaam
maiN dukh ka pee raha hu zehar tum ko is se kya

tum zindagi ko dhoond rahe ho mere baghair
maiN jeete ji hoo khaak basar tum ko is se kya
-Diya

22june 09

tanhaa hai meraa Dil bayaaN kaise karoo

2009-08-06T04:52:00.000-07:00

...

tanhaa hai meraa Dil bayaaN kaise karoo
tu mujhko bhulaa yeh gumaaN kaise karoo

tamaam shehar ki nazareiN hai meri chaukhat pe
maiN tere ishq ka elaan jaaN kaise karoo

zamaana pyar ki parwaaz ka dushman niklaa
hawayeiN tez hai unchi udaaN kaise karoo

toot ke Dil bikhar gayaa hai kaanch ki tarha
mai is toote hue ghar ko makaaN kaise karoo

tera ahsaan e mohabbat chukaaunga kaise
Qarz karna hai adaa meharbaaN kaise karoo

bad tere pareshani ne mujh ko ghair liaa
ab apni mushiklo'N ko mai aasaaN kaise karoo

hawaa k rukh pe "Diya" jal raha hai roz-o-shab
misaal ishQ hai meraa bayaaN kaise karoo

30 june 09

"khilwat se wasl tak ke tere intezaar meiN"

2009-08-06T04:49:00.000-07:00

...

khilwat se wasl tak ke tere intezaar meiN
humne uthaaye luft se ghum tere pyaar meiN

paane ki aarzoo meiN kya khote rahe haiN hum
jana ye phool ne faQat lut ke bahaar meiN

raah e wafa meiN moR ek aisa bhi aa gaya
aata nahi Qaraar dil e beQaraar meiN

guzra vo waQt hum teri baahoN meiN Qaid the
dooba hua hai dil mera ab tak khumaar meiN

aata hai humko har jagah chehra tera nazar
soorat nahi hai doosrii jaise dayaar meiN

apna bana ke bhoolna na seekh paaye hum
warna nahi tha kya humaare ikhtiyaar meiN

kahna bhala bura khud hi ko roz roz hai
kahte nahi bura tumhe dil ke ghubaar meiN

kab ke nikaale jaa chuke dil se kisi ke hum
phir bhi Diya jale hai kyoN koocha e yaar meiN

01 jan 09

Kitni acchi hogi uski buraaiyaaN

2009-08-06T04:46:00.000-07:00

..........

Kitni acchi hogi uski buraaiyaaN
dil dukhaana jiski hai achaaiyaaN

dosti ko kis tarha samjhey ga woh
jis ne seekhi hai faqat makkaariyaaN

apne gareebaa ko chaak pehley kar
phir too dusro'n ko dey ruswaaiyaaN

kya teri fitrat mai shamil hai yehi
nafrateiN dhokadhai chaalakiyaaN

ab jala seeney mai ulfat ka "DIYA"
chordey taareekiyaaN gehraaiyaaN

16 july 09

mujhko jis shakhs se mohabbat hai

2009-08-06T04:43:00.000-07:00

..........

mujhko jis shakhs se mohabbat hai
wajood us ka ek Qayaamat hai

kia baataau mai us k baarey meN
saaf dil naik us ki seerat hai

dard meN muskura kay kehta hai
gham uthaanay ki hum ko aadat hai

bakhshay woh sharf e mulaqaat mujhe
mujh pay us shaks ki inaayat hai

na tamanna hai chaand taaron ki
mere dil ki wahi zaroorat hai

Qatal kar kay mujhi say kehta hai
bari zaalim teri yeh fitrat hai

uski chahat meN jee rahi hoo maiN
ye hi chaahat meri ibaadat hai

-Diya

13 july 09

Darr hai mujhko vo khafaa ho jaaye Na

2009-08-06T04:41:00.000-07:00

...
Darr hai mujhko vo khafaa ho jaaye Na
bekhudi meN kuchh khataa ho jaaye Na

hey muthhi meiN jiski taQdeer meri
vo meharbaaN ho to kyaa ho jaaye Na

bhool kar bhi gar bhulade vo mujhe
zindagi meri sazaa ho jaaye Na

ashQ aankho'N se bahe soche k' vo
bholi surat pe fidaa ho jaaye Na

raah-e-ulfat meN aahistaa chal"Diya"
umr bhar yeh bad-duaa ho jaaye Na

24 july 09

sajde me sir jhukaane ko jii chaahataa hai

2009-08-06T04:39:00.000-07:00

............

tuje apna banaane ko jii chaahataa hai
haal-e-Dil sunaane ko jii chaahataa hai

khus naseeb huu maiN kii tu mila mujhe
saath tera nibhaane ko jii chaahataa hai

chhut gayaa hai naata har dard se mera
ab too muskuraane ko jii chaahataa hai

uff baat baat pe teri chhedne ki ada per
jism-o-jaan lutaane ko jii chaahataa hai

teri ulfat meiN jo ghazal kahti huu maiN
woh tujhe sunaane ko jii chaahataa hai

teri ibaadat karoon maiN subah shaam
sajde me sir jhukaane ko jii chaahataa hai

khawabo ke saath nahi jeena hai Diya ko
sapne sach banaane ko jii chaahataa hai

11 june 09

vo mujhe masHoor karte haiN

2009-08-06T04:36:00.000-07:00

..........

sahne ko ghum mujh ko sanam mazboor karte haiN
auroN se mil ke unn ko yooN masroor karte haiN

kaste haiN jo taane mirii jaanib bazaar meiN
ab sochti huN vo mujhe mashHoor karte haiN

meri nazar se dekhiye to tark e tallukaat
kuch had talak insaan ko maghroor karte haiN

ab to sitam ke bhi nahi Qaabil maiN dostoN
mere hi kuch apne mujhe mastoor karte haiN

karte nahi haiN baat bhi aa kar kareeb se
kuch log khud pe naaz yooN bharpoor karte haiN

daaman nahi choro DIYA akhlaakhiyaat kaa
ye Qaaide insaan ko mashkoor karte haiN

03 oct 08

"yeh duniyaa ki reet kitni niyaari babul"

2009-08-06T04:32:00.000-07:00

Har koi nibhaaey yeh duniya daari babul
beti vidaa karne kii teri hai baari babul

Chhor ke chali jayegi beti maayka apna
sunehri yaadeiN bachpan ki saari babul

Rah jayenge pichhe apne khoon k rishte
yeh duniyaa ki reet kitni niyaari babul

Maa ke aanchal ki chaw jab naa milegi
khoob royegi tab teri raaj-dulaari babul

Saat feroN me banega rishta saat janam ka
fir paraaii ho jayegi beti tumhaari babul

Kaise jiyegi Maa judai beti ki seh kar
ye rasm padegi uspe bahot bhaari babul

Teri har yaad ko dil mein basa kar Diya
ho jayegi apne saajaN kii pyaari babul

15 april 09

ashQ kaa qatraa naa palko pe laaya kijiye

2009-08-06T04:25:00.000-07:00

............

ashQ kaa qatraa naa palko pe laaya kijiye
raaz e dil ko soorat e siski chupaaya kijiye

raat ki dawat meN shamil aap ka iqraar tha
wadaa kar k aap yuN na bhool jaaya kijiye

gairo ki bato se kiu kartey ho is dil pe sitam
mujh ko rota daikh kar na muskraaya kijiye

shoq ko mahtaab aarzoo ko taara keh diya
yuN haqeeQat meN bhi mehw e khuwab aaya kijiye

hai adalat zulm ki mulzim ki saf mai ishQ hai
faislaa masoom sey dil kaa khudaaya kijiye

lamha lamha teri yaado ka Diya jaltaa raha
Noor ban ke mere seene meN samaaya kijiye

16 june 09

Rista

2009-08-06T04:22:00.000-07:00

Jaise.............
chaand ka chaandni se
raag ka rageeni se
Suraj ka roshni se
machhali ka pani se
jameen ka aasmaan se
baadal ka barish se
Zindagi ka saanso se
aakhoN ka aansoo se
phool ka khusboo se
dil ka dhandkan se
sur ka sangeet se
shayar ka shayari se
samandar ka sahil se
bhakt ka bhagwan se
jeevan ka mrutyu se Ristaa hai...............
vaise hi tere mere bich
kabhi naa chutne wala
ek anokhaa "Ristaa" hai

09 june 09

Dard kii shamma raat bhar jali ho jaise

2009-08-06T04:13:00.000-07:00

....

Dard kii shamma raat bhar jali ho jaise
Gham ki lau dil me thartharati rahi ho jaise

teri ashQ bhari aankheiN Keh rahii hai
umr e kotaah zamanoN meiN kati ho jaise

ek muddat se khamosh hai zubaan teri
jhoot ke honth meiN sachai chhupi ho jaise

patjhad meiN girte hue pattoN ki tarah
tere dil mei.N meri ulfat ki kami ho jaise

'aah' dam torti jaati hai teri har dharkan
koyi fariyaad tere dil mein dabi ho jaise

udaas sham ki dahliz per sar jhukaa ker
dar e yaar per nigah terii thami ho jaise

mahekti hai yeh hawaa bhi kuchh aise
teri khusboo in fizaooN me ghuli ho jaise

apna hee sayaa dekh kar mehsush huaa
Zindagi bhar tu mere saath rahi ho jaise

dafan seeney meiN hai kai raaz "Diya"
aaj bhi har jazbaat per barf jami ho jaise

01 june 09

maiN bhoolne waaloN ki nishanii nahi rakhti

2009-08-06T04:10:00.000-07:00

........

maiN dard ki yaadeiN vo puraanii nahi rakhti
apne zehan meiN koi kahaanii nahi rakhti

biite hue lamhoN ko bhulana hi munaasib
guzre hue kal ki maiN rawaanii nahi rakhti

aihsaan mere dil pe kyoN karta hai iss Qadar
laalach meiN kii achhayii bhi maanii nahi rakhti

kah jata hai kaajal mera ashQoN ki kahaani
ghum laakh ho aaNkhoN meiN maiN paanii nahi rakhti

tuu apne jhoothe waade tere saath le ke ja
maiN bhoolne waaloN ki nishanii nahi rakhti

mujh ko Diya kahte haiN maiN jal jal ke jeetee huN
roshan ye shab e ghum maiN zubaanii nahi rakhti

09 sep 08

Karz teri jafaa kaa main adaa kaise karun

2009-08-06T04:04:00.000-07:00

.......

Karz teri jafaa kaa main adaa kaise karun
tu hi bataa tujhse main wafaa kaise karun

jab apnone hi lutaa hai jee bhar ke mujko
maiN gairoN se bhalaa gilaa kaise karun

tujh pe nisaar kiya thaa jism-o-jaan kabhi
ab teri barbaadi kii maiN duaa kaise karun

kahte hai sab tujhe bhulaana hii munaasib
apne hi seeney se Dil ko judaa kaise karun

akele chalne ki aadat na rahii "Diya" ko ab
safar zindagi ka tay tere binaa kaise karun

30 april 09

safar

2009-08-06T04:01:00.000-07:00

Zindagi ka safar hai bas chalte jana hai
udasiyon ke lamho mein bhi muskurana hai
gham-e-hayat ne majboor kar diya hai hume
apne wajood samet kar ab sambhal jana hai

kis ka intezaar kare hum shaam ke baad...
saanj dhale to suraj ko bhi dhal jana hai
jiski ki thi justaju, na payaa meine use
ab kis ki arzoo mein youn jalte jana hai

Qismat ke lakeer ko bhala badlayega koun
chand khusi ke saath ab gham bhi pana hai
is kashmakas mein muje housla dena khudaa
ek anjaan safar mein bahot dur jana hai

24 april 09

Jab se chehre ajnabi apnoN meiN bhi dikhNe lage

2009-08-06T03:56:00.000-07:00

........

Jab se chehre ajnabi apnoN meiN bhi dikhNe lage
gul humaare lab pe tab khilne se bhi darNe lage

apnii sachaaii se bhi jab saamnaa Na ho sake
aainoN se khauff khaate hum bhi tab milNe lage

zakhm rozana naye milne lage jab se hume
ahal-e-duniya ke naye rangoN meiN hum dhalNe lage

daastaaN e ghum kabhi humne sunaaii jab unhe
kis ko hai tera yakeeN ? kahte hue chalNe lage

dard ke saaye tale guzarii Diya itnii shabeiN
muskura kar ab naye har ghum se hum milNe lage

11 march 09

kya hua gar vo bewafa nikla

2009-08-06T03:53:00.000-07:00

....

Bin aansooN ke mere
armaan ka jaNaza nikla
hazar tukde hua dil
ek katra khun Na nikla

Dulhansi sajke baithi thi
barbadi ke chauthe per
Qatl hue the saare khawab
lab se uff tak Na nikla

log hairaN rah gaye the
meri is adaa ko dekh kar
itNa sitam seh kar bhi
kaise yeh ziNdaa nikla

kyoN sikayat karoon uNki
kii vo wafa ka Qatil hai
pyar to sirf pyar hai Diya
kya hua gar vo bewafa nikla

20 march 09

Kabhi zid meiN hi teri ho gayi

2009-08-06T03:26:00.000-07:00

....
Kabhi zid meiN hi teri ho gayi
Kabhi khud maiN tujh si ho gayi

Mujhe jis wafaa ki talaash thi
Kisi pehlu e gair ki ho gayi

Tujhe dil se apne bhula ke maiN
JahaN meiN akelii ho gayi

Tere pyaar ki khaatir sanam
maiN paraayi sabhi ki ho gayi

Teri yaad meiN ashQoN se ab
Surkh aaNKh ye meri ho gayi

Tu meri haQikat na ban saka
"Diya" khwaab meiN teri ho gayi

07 oct 08

usse milne ko aankheiN meri taras jati hai

2009-08-06T03:22:00.000-07:00

.....

usse milne ko aankheiN meri taras jati hai
jiski yaadeiN shola ban ker baras jati hai
ajeeb haalat hai yeh mere bagair unke
rooh meri jism ko taanaa day jaati hai

dard Hijr kaa maiN kya bataau yaaroo
bin teer ke mere dil ko chalni ker jati hai
mehboob ki baat toh na puchhiye aap
uski berukhi mere chaiN lut leti hai

vo lamhaa chubhte hain tute kaanch ki tarah
"jab barish uske aansoo mere khidki per paint karti hai"
ek sawal uth ker dub jata hai zehan meiN....
kya yeh ishQ meri tarah usko bhi tabah karti hai...?

20july09

aaj aansooN se unko bhigoti hun

2009-08-06T03:17:00.000-07:00

.....

kahne ko to vo pahli mulaqaat thi
darmiyaN khamosh mohabbat thi
mere khwaboN meN uska ulfat thi
magar vo shakhs is baat se anjaan tha

na hasil mujhe uski kurbat hui
na hi mohabbat bhari koi baat hui
main to youN sajde mein rahti thi
duaon meiN uski khusi mangti thi

jab waqt ne usse mujhse dur kiya
main tanha hui ,vo bhi tanha hua
vo rukshat hua tou mehsush hua
mano dil se dhadkan jaise juda hui

tasvuur meN akshar use sochti hun
shab o sehar khwab uska dekhti hun
vo palkeiN jo nazakat se uthti thi
aaj aansooN se unko bhigoti hun

01 aug 09

jhuki hui nazaroN ko tum nazaakat likh daina

2009-08-06T03:15:00.000-07:00

jhuki hui nazaroN ko tum nazaakat likh daina
meri khamoshi ko daur e Qayaamat likh daina

rota hai jis ruswaayi pe dil zaar zaar aaj bhi
mere pyaar ki usse tum amaanat likh daina

dard ko bayaan karooN jab meiN muskurate hue
usi hansi ko tum khudaa ki inaayat likh daina

jis din aajayegi teri Qalam meiN rawaani
meri bewafai ko tum meri saraafat likh daina

raah chalte chalte yun chooth jaye saath toh
fariyaad mein tum meri sikaayat likh daina

30 july 09

mari khusi ke beh jaaye ashq in aankhooN se
tou in aadaooN ko tum meri aadat likh daina

gar mohabbat meiN ban gayi muzrim main teri
apne labon se tum meri zamaanat likh daina

tere ishq mein jal kar pighal rahi hai "Diya"
meri mohabbat ka naam tum ibaadat likh daina

khar se nahi muje phuloN se dar lagta hai

2009-08-06T03:11:00.000-07:00

........

khar se nahi muje phuloN se dar lagta hai
beganasa mujhe ye shab-e-sehar lagta hai
kahiN jaltaa hai diya ,kahin jiya jalta hai
dard chup chup kar seene meiN palta hai

chaandni raat mein sard hawa ki jhonke
teri khusboo mujhtak pahunchaa deti hai
chor de chaand ke haatoN paigaam dena
ab yeh chaandni mujhper sitam dhati hai

na gardishe'N teri na aashmaan tera
jane tujhe kis chees ki gumaan hota hai
jism se rooh tak taar taar ho jata hai
jab tu ajnabee ban kar guzar jata hai

30 july 09

aaj fir us pathhar ko khudaa kar chale

2009-08-06T03:09:00.000-07:00

.....

aaj fir us pathhar ko khudaa kar chale
zakhmi dil ki aah use sunaa kar chaleye

na socha milegi hume ruswai usse
khud ko hi ishq meiN fanaa kar chale

chehre per aftaab kaa noor dekh kar
bas unhe chahne kii khataa kar chale

unke aandaaz mein thi saadgi itnii
hum jism-o-jaan unper fidaa kar chale

dard ko youN dafnaa kar seene meiN
pyaar kii har rasam nibhaa kar chale

bewafai to unki rag rag meiN thi Diya
aap hee na jaane kyun wafaa kar chale

6 june09

uskii judaai ke gham mujhe tadpaaya bhi bahut

2009-08-06T03:06:00.000-07:00

uskii judaai ke gham mujhe tadpaaya bhi bahut
tanhaayi me maine aansoo baahaaya bhi bahut

yuoN muskuraa kar milti rahi har ek shakhs se
aur zakham-e-dil ko sabse chhupaaya bhi bahut

jo khud gumraah huaa tha Duniyaan ki bhid me
usi shakhs ne raasta mujhko dikhaaya bhi bahut

shehar-e-dil meiN umeedoN kaa chirag jalaa kar
maine darmiyaaN faasalay koo mitaaya bhi bahut

meri har ek minnat koo jab khaariz kiyaa us ne
haath jod jod ker usko maine manaaya bhi bahut

jab bewafai ki daag lagaya mere daaman per vo
apna lahuu baha ke maine usse mitaaya bhi bahut

har lamha har ghadi uski ibadat karti rahi maiN
us pathhar murat koo khudaa banaaya bhi bahut

jisko dekha jisko chaha jise dil me basaya "Diya"
har kadam per ussi shakhs ne aazmaaya bhi bahut

4 june 09

Main shamma hu vo meraa parwaaNa hai

2009-08-06T03:05:00.000-07:00

Main shamma hu vo meraa parwaaNa hai
humari mohabbat ka bas ehi fasaana hai

uskii teer-e-nazar aUr meraa dard -e-jigar
muskileiN to haiN magar khel suhaana hai

sukoon milta hai rooh ko uski baatoaN se
dil ke maamle mein vo bahot sayaana hai

apne hi ghar daawat meiN bulaa kar mujko
pyar se kahata hai vo ehi tera aasiyaana hai

chaand sitarooN kii tamanna na rahi mujhe
dhadakta hua uska dil hi Diya ka thikaana hai

03 june 09

Maahir hai vo bahut mujhko sataane meN

2009-08-06T03:01:00.000-07:00

....

Maahir hai vo bahut mujhko sataane meN
guzre saal kii baat sunnata hai taane meN

yoN bewajah buraa bhala keh ker mujh ko
har shaam guzaarta hai vo maikhaane meN

karwat badalte huwe katti hai raateiN meri
subah suru hoti hai roothne manaane meN

chah kar bhi na mitaa saki usse apne dilse
socha tha milega dil ko qarar use bhulaane meN

Ho liye hasraton k kuch gham bhi sath mere
ab to maza aane laga hai chot khaane meN

badi berahemi se tod diya rishtey ko humare
kaii baras lage the jis ko banaane meN

tujhe rukshat na kar saki apni zindagi se Diya
yun to na-mumkin kuch nahi is zamaane meN

27 may 09

Mujse judaa ho kar jahaN jaaoge tum

2009-08-06T02:58:00.000-07:00

.....

Mujse judaa ho kar jahaN jaaoge tum
siwaye aansoo k kuch Na paoge tum

Na keh sakoge dil kii baat kisi se......
kho kar mujhe bahot pachhtaoge tum

ye na socho ki maiN ho jaungi tanha
khud hii khooN ke aansoo rouge tum

kahin Na milega tumhe wafaa ka saya
bewafaa se hii yaarii nibhaoge tum

aitbaar jo hai tumhe husN walooN per
unhi ke haatho hi dhokha khaoge tum

sunoge sab se merii wafaa ka Qissaa
aur aankheiN sharam se jhukaoge tum

akele ho jaoge zindagi ke safar meiN
tab "Diya" se milne ko hi tarsoge tum

17may 09

Tere ishQ meiN naakaam hua aur kuchh na hua

2009-08-06T02:54:00.000-07:00

Tere ishQ meiN naakaam hua aur kuchh na hua
bhari bazam me badnaam hua aur kuchh na hua

Meri wafaa kaa silaa teri jafaa kaa charchaa
sehar meiN saare -aam hua aur kuchh na hua

seeney mein dafan kar liya maine armaano ko
bas pyaar ka ehi anjaam hua aur kuchh na hua

meri har saanson me basa ek tera hi naam magar
fir bhi bewafa mera naam hua aur kuchh na hua

mohabbat meiN tujhse jo milne kii aarzoo rakhii
bas intezaar e har shaam hua aur kuchh na hua

maine sab kuchh kho diya tere pyaar ki khaatir
mera apna wajood nilaam hua aur kuchh na hua

kuchh is kadar miti hai "Diya" is ishQ me sanam
ke labon se teraa ehtraam hua aur kuchh na hua

30 april 09

Meri haatho se apne haath ko churaa ke woh

2009-08-06T02:53:00.000-07:00

.....
Meri haatho se apne haath ko churaa ke woh
chala gaya mujhe buraa bhala sunaa ke woh

meri yaadoN se ab uskaa koi waastaa nahiN
khud ko samjhaya mere khat ko jalaa ke woh

youN hazaar sapne mere palko pe sajaa kar
hasrateN legaya meri aankhoN se giraa ke woh

ab samajh meiN aaya mujhe woh andaaz uska
kyoN karta tha baateiN ghumaa-firaa ke woh

aaj ashQoN ke dariya meiN beh rahi hu maiN
aur khush hai bahot "Diya" ko bujhaa ke woh

15 may 09

Chand banke dil ke aangan me utarta hai vo

2009-08-06T02:47:00.000-07:00

Chand banke dil ke aangan me utarta hai vo
ashQ ban ke meri aankhon me dikhta hai vo

hansi banke rahtaa hai woh laboN pe mere
khushi banke meri raah meiN bikharta hai vo

saanson me meri basa hai bas ek naam uska
dhadkan banke is seeney me dhadakta hai vo

gulshan bana hai mera har lamha jindgi kaa
phool banke khawabon meiN mehakta hai vo

adaaon ne uski jaane kya jadoo kiya mujhpe
meri baaton me bhi ab kahin jhalakta hai vo

hotii hun maayus jab duniyaa kii ruswaaii se
haath mera badi pyaar se tab pakadta hai vo

maahtaab se chehre pe aaftaab kaa noor hai
umeed kaa "Diya" banke Dil meiN jalta hai vo

07 may 09

terii yaad meiN khud ko jagaate rahe

2009-08-06T02:43:00.000-07:00

terii yaad meiN khud ko jagaate rahe
karwat badalte rahe muskuraate rahe

teri tasveer ko seene meiN laga kar
apne dil kaa haal usse sunaate rahe

youN hi ghazal kaa baahaanaa kar ke
tere naam ko lab pe gungunaate rahe

tere chehre ko aankhon me basaa ker
khuli aankhoN me sapne sajaate rahe

saatoN janam "Diya" terii hi rahegii ...
gar tu pyaar youN usper lutaate rahe

05 may 09

Kiska hai yeh AKS merii parchhaii mei.N??

2009-08-06T02:41:00.000-07:00

Kiska hai yeh AKS merii parchhaii mei.N??
ho rahii Hai hulchul Dil kii gahraii meiN....

kiski aahat sun ne koo hai beqarar yeh dil
kauN yaad aarahaa hai muje tanhaii meiN

KyoN aitbaar hai muje khud k dil per itnaa
jitnaa karti hu maiN khuda ki khudaii meiN

kaun hai jo bha raha hai youN dil ko mere
jaise jina hoga dushwar uski ruswaii meiN

kiski chahat ka nasha chhaya hai Diya per
reh Na payegii ek pal bhii uskii judaii meiN

12 may 09

bina saawan ke hi baadal baraste dekhoge

2009-08-06T02:33:00.000-07:00

bina saawan ke hi baadal baraste dekhoge
mere deedaar ko khud ko taraste dekhoge

lut gaya tha jo chaman kabhi toofaaN meiN
bahaar aane pe tum uss ko baste dekhoge

na karna rishtoN pe kabhi guruur tum itna
ki rishte koriyoN ke bhaav saste dekhoge

zubaN pe hai shahad aur dil me hai dhoka jinke
binaa zehar unn hi logoN ko daste dekhoge

ghamoN se hai Diya rishta apna yun kaayam
ki dard laakh ho tum mujhko haNste dekhoge

08may 09

AshQon ko aankhon me chhipaya maine

2009-08-06T02:30:00.000-07:00

AshQon ko aankhon me chhipaya maine
muskurake har gham ko bhulaaya maine

saaya banke mere saath rahta tha woh
yeh Qissa kal chand ko sunaaya maine

Qatra Qatra pee kar judaayi ke aansu
bhari mahfil me sab ko hasaaya maine

mujhe ilm tha woh badaa hii farebi hai
fir bhii bharosaa us par jataaya maine

barson milta raha mujhe naqaabon mein
pyaar kaa rishtaa usi se nibhaaya maine

dard e Dil jubaan per jab laa naa sakii..
tab apne dard ko ghazal banaaya maine

tasavuur meiN vo mujhse roo-ba-roo hai
yeh samjhaa ke hi dil ko behlaaya maine

muhabbat me talab ko khatam kar k Diya
uskii yaadoN ko dil meiN dafnaaya maine

03 may 09

koi keh do usse ki ab woh Na sataaye mujhe

2009-08-06T02:27:00.000-07:00

koi keh do usse ki ab woh Na sataaye mujhe
gar yakeen nahin mujhpe to aazmaaye mujhe

sukh gaye hain ashq mere aankhon se kab k
ho sake to kis bahane aa ker rulaaye mujhe

Kehte Hai Log Ishq to Ibaadat hai yaaroo
kabhi to pyaar se vo bhi gale lagaaye mujhe

dhundli ho chuki hai meri apni hi tasveer
koi guzre hue waqt ka aainaa dikhaaye mujhe

uske waade per ab bhi hai eitbaar mujh ko
aajaungi lout kar agar dilse bulaaye mujhe

Guzar rahi hai zindagi uskii intezaar meiN
sirf ek lahma samjh kar vo na bhulaaye mujhe

jab waqt le jaaye kabhi "Diya" ko pass uske
sikayat na hogi gar shab bhar vo jalaaye mujhe

24april09

Jitna bhi karlo tum mujh se sawaalaat

2009-08-06T02:25:00.000-07:00

Jitna bhi karlo tum mujh se sawaalaat
ab Na bayaan hogi mere dil ki jazbaat

muskurake chhupaungi har ek gham apna
kabhi na hogi ab aansoon ki baarsaat

palakoN pe sajaa luNngi sapne hazaaro
phiir Na beetegi tanha mera ko_ii raat

kisi moR par tum awaaz na dena mujhe
zaalim nahi karna muje tumse mulaqaat

teri marzi ke mutaabik huwi mei.N duur
muje Na hogi dubaara tujhse mohabbat

hijr ke dard se ab dar nahin hai muj ko
is Zindagi meiN nahin teri koi zaroorat

jab jalaya hai Diya In aandhiyo.N mei.N
bujega gar to kru.N bhi kis se shikaayat

17april09

kisi ke waade per hum aitbaar nahin karte

2009-08-06T02:18:00.000-07:00

kisi ke waade per hum aitbaar nahin karte
wafaaoN ki Qatil se pyaar nahin karte

jo pal do pal mila aur hume apna kah gaya
us keliye dil ko hum beQaraar nahin karte

apne dil ka raaz sabko kyoN bataye hum
saare aam mohabbat ka izhaar nahin karte

jiska naam na ho haatho ki lakeeroo meiN
use pane ki khwahish baar baar nahin karte

bhari mahfil mein jo hume tanha chor diaa
uske wapas aane kaa intezaar nahin karte

ek musafir kya humsafar banega tera Diya
paGli ishQ meiN dil ko bimaar nahin karte

6 april 09

Saare riste akele hum nibhate rahe

2009-08-06T02:10:00.000-07:00

Saare riste akele hum nibhate rahe
zakhm ko chhipa ker muskurate rahe

waQt ke saath kaise badal gaye woh
Hum to yaaroo unko sirf dekhate rahe

raat bhar unki loutne k intezaar meiN
hum chiraag ko ghar me jalaate rahe

hijr ke dard ko khakh samjhenge woh
jab bhi mile bas hume aazmaate rahe

bade shaan se seena tan kar dekhiye
roz humare samne vo aate jaate rahe

nazar milaa ker jo nazar pher li "Diya"
Kyon fir unse tum nazar milaate rahe

Apne dard-e-Dil ko jab hum Nikale manaane

2009-08-06T02:01:00.000-07:00

..
Apne dard-e-Dil ko jab hum Nikale manaane
taaza ho gaye fir se ka_ii Qisse puraane

jane kab wafaa ke raah per chalte chalte
aagaye the aansooN ke dariyaa meiN nahaane

palat kar dekhe jab apne ateet ke panno ko
dil ki gaherayio.N se nikle dard ke Khazaane

ta-umr guzarii hai khwab meiN jinhe soch ker
kab banega vo mera naseeb, bhala kauN jaane

aaj jashN mana rahe haiN vo apnii khusi ka
sareek hue haiN hum unki dosti ke bahaane

Unki dahlez per youN khade dekh kar humein
logon ke labon per aaye mohabbat ke fasaane

akshar main sochti hun tanhai mein baith kar
Kaunsa rishta hum chale the unse nibhaane

socha nahiN buraa kabhi dil ke ghubaar meiN
fir kyuN vo aaye haiN Diya ka khun bahaane

7 april 09

Vo mujh pe rahaa mehrbaan sirf chaar din

2009-08-06T01:54:00.000-07:00

...
Vo mujh pe rahaa mehrbaan sirf chaar din
ban gaya tha mera kadrdaan sirf chaar din

main pagli samjh baithi thi mohabbat usko
vo tha mere dil ka mehmaan sirf chaar din

dikhaye khawab bahot chaand sitaroon ke
ban gaya vo mera bhagwaan sirf chaar din

dil me dhadkan ki tarah basaya tha usko
likhi mohabbat ki Dastaan sirf chaar din

bade pyaar se bulata tha vo jaaN mujhko
ghumaya sapno me gulistaan sirf chaar din

kitne haseen the vo khwab ki duniya Diya
thi har ek gham se anjaan sirf chaar din

14april 09

Kismat se mila muje vo Insaan

2009-08-06T01:51:00.000-07:00

...
Kismat se mila muje vo Insaan
sab se pyara hai jiski muskaan

chamakta hua chehra uska dekho
kitni meethi hai uski zubaan

Chand bhi chhupta hai badal me
jhuk ke dekh raha hai aasmaan

utar aayaa hai zameen per dekho
farishte ki roop mein ek Insaan

rab ne jab banaya to socha hoga
kaash waqt na le iska imtihaan

kabhi to bahot satata hai muje
kabhi karta hai thora pareshaan

mujh se muj ko chura ker dekho
likh rahaa hai pyaar ka DastaaN

Kaise guzri vo haseen raat na puchoo

2009-08-06T01:42:00.000-07:00

Kaise guzri vo haseen raat na puchoo
kaise hui unse mulaaQaat na puchoo

uski aakhoon me kho gayi thi is kadar
kah raha tha vo kounsi baat na puchoo

dhadkan tez thi ruk gayi thi saanse
zinda hu kaise ye sawalaat na puchoo

kahani vo Qurb ki zikr na karo yaaroo
kis tarah hui haasil sougaat na puchoo

bekhabar hun main khud ki haalaat se
kaise hua pyaar ki barsaat na puchoo

Hansaata hai ishQ rulaata hai IshQ

2009-08-06T01:36:00.000-07:00

Hansaata hai ishQ rulaata hai IshQ
rang kaise kaise dikhaata hai ishQ

ye daulat bhi hai aur shauhrat bhi hai
husn ke jaal meiN faNs ke bikta hai ishQ

meri haaN meiN ishQ teri naa meiN ishQ
diloN ko Qaraar dilaata hai ishQ

kahin aabaad kahin barbaad hai ishQ
har koi duao.n main mangta hai ishQ

bachale damaN "Diya" ishq ki chingari se
rabb ki kasam bahot tadpaata hai ishQ

31 march 09

pahle vo khud muje bhulaa diya

2009-08-06T01:33:00.000-07:00

.........
pahle vo khud muje bhulaa diya
fir wapas bula ker hauslaa diya

tum mere manzil the hi nahiN
yeh baat usne muje bataa diya

khusiyon ka wasta de kar muje
aansu se mera rishta banaa diya

khus rahe vo zindagi bhar rab
dilse usko main ehi Duaa diya

vo bhatak na jaye andhere meiN
uske haatho mein ek Diyaa diya

03 april 09

Ek din tumse dur chali jaungi

2009-08-06T01:30:00.000-07:00

....
Ek din tumse dur chali jaungi
tum rouge per main na aaungi

mere tasveer se karoge baateiN
aur main kuchh na kah paungi

Dil ka rista hai tumse mera
yeh baat sitaaroN ko bataungi

chaand ke haath se roz tumhe
main paigaam diya karungi

fir bhool jaoge tum bhi muje
main gujra hua kal kah-laungi

koi khwahish ho to maang lena
main sitaara banke tut jaungi

31march 09

Banake apna bhulaya muje mere mehboob

2009-08-06T01:27:00.000-07:00

Banake apna bhulaya muje mere mehboob
pahle hasake rulaya muje mere mehboob

karke pyar mohabbat ke baateiN hazaaroN
ishQ ke aag me jalaya muje mere mehboob

chahat ka souda kiya wafaa ke naam per
roz roz zehar pilaya muje mere mehboob

tukde tukde karke usney mere wajood ke
dard k sagar me bahaya muje mere mehboob

Hijr ke sab gham meri jhooli meiN de kar
Bewaafa kyun banaya muje mere mehboob

dar badar thokar khane ko chor diya muje
fir kaanton pe chalaya muje mere mehboob

20 april09

Dil kisika kabhi Na torna yaaroo

2009-08-06T00:43:00.000-07:00

.....
Dil kisika kabhi Na torna yaaroo
Daman sachai ka na chorna yaaroo

Khud hi mit jao raah-e-wafa per
bewafa se Rista na jorna yaaroo

banaata hai kamjor krodh insaaN ko
sar pathhar se apna na forna yaaroo

khila do sab ke laboon per muskaaN
khud dard ka chaddar orhna yaaroo

gar tut jaye aainaa to fenk do usse
magar tute ristoN ko jorna yaaroo

jahaN jal raha hai umid ka ek "Diya"
hawaa ko us tafar na morna yaaroo

30march2009

kaise karu.N bayan mera Dil tanhaa KyoN hai

2009-08-06T00:41:00.000-07:00

..........

kaise karu.N bayan mera Dil tanhaa KyoN hai
Mera tha jo kabhi aaj kisi aur kaa kyoN hai

bhulaa diye jisne saare wade.N wafaa ke
woh aaj mujhe itnaa yaad aataa kyoN hai

Dil barbad hua aur aah bhi na nikaal sakii
aakhir mere saath hi aisa hotaa kyoN hai

merii har saanseiN pukarti hai naam usika
fir na jaNe darmiyaN itnaa faslaa kyoN hai

kaha tha nibhayega saath mera marte dum tak
Saath do kadam chalne ko aaj itrataa kyuN hai

pyaar ka bandhaN hai gar saatoN janam ka Diya
koi hume chor kar yuoN chalaa jataa kyoN hai

18march 2009

ek aashar

2009-08-06T00:39:00.000-07:00

Pyaar meiN guraze jo do pal vo kam nahiN
kal mile ya Na mile hum koi gham nahiN
roz roz karte raheiN uNkii sikayat sabse
aise chahane waaloN meiN samil Hum nahiN

"vo Mohabbat meiN ye kaisi wafaa de gaya"

2009-08-06T00:33:00.000-07:00

vo Mohabbat meiN ye kaisi wafaa de gaya
khus rahun usse bhool kar ye Duaa de gaya

Koi raqeeb hota to maiN bhool jati usse
habib ban kar bhi vo mujhe jafaa de gaya

chala gaya woh guzre hue mausam ki tarah
mujhe taNhai meiN jine ki baQaa de gaya

Chaand ban kar utarna tha meri aangan meiN
vo dard ke barish aur thandii hawaa de gaya

Kitna muskil hai khud ko samjhaNa "Diya"
jab mout se bhi badh kar koi sazaa de gaya

14 march 2009

apni hi khataoN per afsos to tab hota hai

2009-07-31T04:05:00.000-07:00

apni hi khataoN per afsos to tab hota hai
ilm gunaahoN ka insaaN ko jab hota hai

gir gir ke sambhalne se humne bhi ye hi seekha
zamane main aaj kal aachha kahaN kab hota hai

kitni bhi baRi mushkil aa jaaye mere aage
dil hai ki mera kahta, aksar ye sab hota hai

Na samjha maine khud ko akela is dayaar meiN
har ghadi muje sambhale huwe mera rab hota hai

e haste hue aankheiN sirf nazarooN ka dhokha
jo dikhta hai saraab* woh dariyaa kab hota hai

poochte haiN bazm meiN meri Roshni ka raaZ
jalta hai Diya dard ka sailaab jab hota hai

*saraab-Mirage

Hum khafa kab the jo hume manaaNe aaye ho

2009-07-31T04:02:00.000-07:00

Hum khafa kab the jo hume manaaNe aaye ho
aaj kounsa naya gul aap khilaaNe aaye ho

kab aitbaar kiya tha aapki wafaaoN perj
o wafa-o-jafa ki baateiN sunaaNe aaye ho

sadiyaaN gujar di aap gairoN ki baho meiN
Ab bacha kya hai jo yahaN lootaaNe aaye ho

waqt ke saath hum.ne bhulaaya hai aapko
fir kyoN apni yaad hume dilaaNe aaye ho

Humari mout per YouN jhoote ashQ bahake
jane kounsa naya ranG aap dikhaaNe aaye ho

karke Qatl Diya ko bhi chain na mila aapko
ab kya meri Qabr ke nishan mitaaNe aaye ho

24feb 2009

Humesha rahoongi tumhari Diya........

2009-07-31T03:58:00.000-07:00

Paa liya hai bahot kuchh
ab na kuchh maiN chahuNgi
subah shaam rab se pahle
ab tera hi Naam me looNgi

chhor ke apna baabul ko..
maiN piya ke ghar jaaungi
mithhi mithhi batooN meiN
sab ke dil ko bahlauNgi

bhar ke maang meiN sindoor
main suhagaaN ban jauNgi
bandh k pyar ka bandhan meiN
unki ardhangiNi kah lauNgi

sirf khusiyoN ka rang hoga
mere ghar ke deewaar per
aise hi kuchh hasiN pal ko
mutthi meiN quaid kar looNgi

rakh kar unke seeNe pe sir
jab thakke maiN so jauNgi
pyar se woh sahlayeNge
maiN kuchh bhi Na kahuNgi

youN hi karwat badalte hue
maiN khud hi gun gunauNgi
maiN tumhari thi tumhari hun
humesha tumharii rahuNgi

"terii tasveer hai dil meiN"

2009-07-31T03:55:00.000-07:00

Bhid meiN tanha ho jati huN
YouN akeli meiN kho jati huN

Dil kii surkh Deewar per
tera hi Naam likh deti huN

teri surat ko soch kar
maiN ghazal kah deti huN

roz tere saath mulaqaat
khwaboN meiN kar leti huN

yaadoN ki chaddar odh kar
raat ko maiN so jati huN

terii tasveer hai dil meiN
Nazar jhuka ke dekh leti huN

apni nazar se mujh ko bhi aazmaa ke dekhiye

2009-07-31T03:48:00.000-07:00

apni nazar se mujh ko bhi aazmaa ke dekhiye
dil bekraar hai kitna ye paas aa ke dekhiye

aashan nahin kisi ki bhi yaadoN mein hi jeena
apno se door khud ko bhi le jaa ke dekhiye

dikh jaayega ek pal meiN hi khwaaboN ka bikharna
haathoN se mere haath bas churaa ke dekhiye

jab jab vo tang ho gaye mere sawaaloN se
kahte haiN burii baat vo jhallaa ke dekhiye

jab ashQ bhar aayeiN tumhaari aaNkho meiN mere
yaadoN ka meri ek Diya jalaa ke dekhiye

KyoN Na ek aur jaam tere Naam ho jaye.......

2009-07-31T03:46:00.000-07:00

KyoN Na ek aur jaam tere Naam ho jaye
Qisse teri bewafai ki saare-aam ho jaye

itna jo guroor hai tujhe khud pe zalim
tu bhi sabke nazar meiN badNaam ho jaye

maiN gar jhooti huN, mujhe maut aa jaye
tujhmeiN kami ho to tu tamaam ho jaye

Duaa hai Diya ki aaj khudaa ki dar pe
tu bhi soudagar ke hathoN Nilaam ho jaye

mujhe achha lagta hai

2009-07-31T03:41:00.000-07:00

.................

taasvvur meiN usko sochna muje achha lagta hai
bin baat ke youN muskurana muje achha lagta hai

badal gayii hu maiN ya badla hai yeh mausam
kyu.N yeh badla zamana muje achha lagta hai?

band kamre mein sajti huN main Dullhan ki tarah
Hatho.N mein mahendi rachana muje achha lagta hai

vo milte hain to kho jaati hain saaree baateiN
Nazro.N se bate.N karna muje achha lagta hai

Tanhaii mein jab gum ho jati hun uski yaadoN meiN
kisi aahat se youN ghabrana muje achha lagta hai

Yunh to ghazale.N kayin likhi hai meine ab tak
Uski ulfat mein ghazal likhna muje achha lagta hai

vo sukooN ki neend soye maiN jagti rahuN raat bhar
Use pyaar se youN Nihar na muje achha lagta hai

jannat ka thikana gar koi puchh ta hai mujh se
uske ghar ka rasta dikhana muje achha lagta hai

hole se muskurata jab gujata hai meri galiyoN se
koi kahe yeh Diya ka Deewana muje achha lagta hai

my first nazam ................

2009-07-31T03:37:00.000-07:00

Kabhi khayaloN meiN aata hai
Kabhi khwaboN meiN aata hai.....
Ek shaks mujhe bahot yaad aata hai...
Main bhool na chaun to bhool na paun,
Is kadar woh mujhe tadpata hai.....
Waqt ke haathon khilona banake
Apne isharon se nachata hai
Jane kyuN aaj fir vo shaks yaad aata hai.

Main khud se Juda ho gayi
Jo na karna tha woh kar gayi
Yaad karne se yaad bhi na aaye
Aise usko main bhool gayi......
Fir bhi,woh roz sapno main aata hai,
Mujhe bar bar thukrata hai......
Jisne mera wajud mitaa diya .....
Jane kyuN aaj fir vo shaks yaad aata hai.

Main to bas uski jarurat thi ..
Yeh mujhe bata diya tha woh....
Apne dil se mujhe mita diya tha woh ..
Fir bhi kyun woh mujhe apna lagta hai
uske yaad jaise ek sapna lagta hai
Jane kyuN aaj fir vo shaks yaad aata hai.

2009-07-31T03:32:00.000-07:00

maiN nazaroN se kahne lagi
to ek paighaam ho jayega
meri Khamoshi hadse badhegi
to Kohraam ho jayega

sabse chhupa kar kab tak
nibhayenge pyaar ke rasam ko
kabhi na kabhi humare Qisse to
saaree-aam ho jayega

Ek anjaaN musafir hun jaaNa
maiN terii apni sehar meiN
tu mere saath chalne lagaa
khamokha badnaam ho jayega

Mujhe achha nahiN lagtaa
tera har ek shakhs se milNa
sabko mayassar hone lagaa
to ek din aam ho jayega.......

Main Diya hun tere aangaN ka

2009-07-31T03:30:00.000-07:00

Main Diya hun tere aangaN ka
har shaam jise tuNe jala diya
teri berukhi adaaoN ne
muje patthar dil baNa diya

Naayi maNzil nayi mahfil
yeh Daulat aur shauhrat
lut liya mera neend chaiN
har waQt muje rula diya

Sou Zulm uthane ke baad bhi
maine uff lab tak Na laya
tere khusi ke khatir rahnuma
maine khud hi khud ko mita diya

kabhi uthe jo sawal dil meiN
kyoN tere saath aisa sulook kiya
mujhse mil lena tuje batadungi
yahaN kisne kisko bhula Diya

"Vo mera nahi fir uske liye kyoN tadapta hai dil"

2009-07-31T03:26:00.000-07:00

Vo mera nahi fir uske liye kyoN tadapta hai dil
bar bar usse milne ko kyoN tarasta hai dil

tamaam dayaar mein woh ek hai ajnabee
jisse baho mein bharne ko chahta hai dil

woh chand sa chehra woh qateel nigaheiN
usse chup chup ke bahut kuchh kehta hai dil

sulagte hain issi dil mein mere kai armaaN
nazar -E- harf se usse salaam likhta hai dil

badi Fursat se banaya hai rab ne mere yaar ko
uske badan ki khusboo se mehakta hai dil

be-intehaa mohabbat karti hai Diya usse
lafzon mein bayaaN karne ko kyoN darta hai dil

4th feb 2009

"jane woh konsi rasam fir se nibhaaNe lage haiN"

2009-07-31T03:21:00.000-07:00

vo hi baateiN vo aaj phir se dohraane lage haiN
ki jinko bhuulne me kitne zamaane lage haiN

Qurb kaa Zikr karke badhate rahe faasale
jane woh konsi rasam fir se nibhaaNe lage haiN

khuda se bhi jyada Aeitbaar tha jispar hume.N
har baat per ab woh hume aazamaaNe lage haiN

Tammam umr saaya ban ke saath raha woh mera
Jane kis wajah se aaj daman chhudaNe lage haiN

duniyaa waale pyaar ko mere ruswaa Na karde
yeh soch ke apne ashQ hum chhipaaNe lage haiN

woh mohabbat hi kya jo zaamaNe ko dikhayi de
khud ko hi yeh dilasa hum dilaaNe lage haiN

muddatoN se qatl huwi hai har ek tamanna meri
bhulke saree gham Diya fir se jalaane lage haiN

meri pyaari "tamanna"

2009-07-31T02:45:00.000-07:00

Vo larki nahin ek paheli hai
meri sukh dukh ki saheli hai

pyar se bulati hai janu muje
mere haathon me jo kheli hai

mom jaisa naram hai dil uska
kitnii naajuk woh albeli hai

baat baat per roti hai bahot
thori bholi thori hatheli hai

apne hii dhun meiN rahti hai
laakhon meiN woh akeli hai

ek nanhi si pari meri tamanna
is dil me jagah usne leli hai

mile aapka pyar to hum savar jayenge

2009-07-31T02:05:00.000-07:00

jab maine ghazal kya hai jana magar behr se anjaan tha
tab ghazal likhne ki koshish mein jo tahreer kahi thi
vo aap sabke saath share karna chahati hu ..........

mile aapka pyar to hum savar jayenge
Na mile pyar to youN bikhar jayenge

mohabbat bhi aapse sikayaat bhi aapse
aapse bichhad ker hum kidhar jayenge

Dooriyaa do pal ka Na sheh payenge
bin aapke bhala kounsi Nagar jayenge

riyaasat bhi aapki siyasat bhi aapki
wada karke kaise aap mukar jayenge

aap meiN aise hum shamaa jayenge
banke saanseiN dharkan meN utar jayenge

is kadar Diya ko mohabbat hai aapse
aaj to saarii had se hum gujar jayenge

my fiirst Romantic tahreer

2009-07-31T02:03:00.000-07:00

Aaj Barish Main Bheeg Jaun
Aur Tum Bas Mere Saath Ho

Jhoom Loon Baho Main Tere
To vo Qayaamat Ki Raat Ho

Labon Se Chum Le Jab Tu Bas
Yehi Meri SauGhaat Ho

Sharma Ke Simat Jaun maiN
Aur Sirf NazRoon Se Baat Ho

Sar Tere Seene Par maiN Rakhun
Roushan Puri Kaiinaat Ho

Bhar Le Mujhko aaGhosh meiN
Poorii Mere Dil Kii Baat Ho

Tezii SaaNson Ki Garmi maiN
BayaaN Teri Meri Mohabbat Ho !!!

Koi achhi sazaa de dena.....

2009-07-31T01:57:00.000-07:00

Bhulna chahate Ho Mujhe To Beshak Bhool Jana
Apne Hatoon Ke Lakeer Se Meri Naam Mita Dena

Har Jagah Tere Pehechan Liye Ghumti Hun maiN
Main Kya Hun Tera Yeh Aaj Tu Mujhe Bata deNa

Main Manti huN Tujhse Mohabbat Karna Jurm Hai
Usii Jurm Ki Mujhe "Koi Acchi Saza De Dena"

Is Jeevan Ka Har Pal Tere Hi Naam Kar Di Hai
Tu Usse Gujraa Hua Kal Samjh Kar Bhoola deNa

Apne Zakhom Ko Chhupake,Tere Bin Kaise jiu
Tere Pyar Ko Kaise Dilse Mitaoon,Ye Bata Dena

Tumko Bhool Pana Mere Liye Namumkeen Hai
Mumkin Hai Agar Meri Saari YaadeiN Mitaa Dena

Eid manana hai

2009-07-31T01:56:00.000-07:00

Aaj to khoob sajna hai sawrna hai
Saajan tere sang Eid manana hai
Kaan.o main bali hatho.n mein kangan
Mathe pe bindiy.a lagana hai
Haatho.n mein mehandi pawo.n mein payal
Aakho.n mein kaajal lagana hai
Saajan tere sang Eid manana hai

sayad mujhko unse Mohabbat ho gayi

2009-07-31T01:53:00.000-07:00

Kaal raat sapno mein
unse mulakat ho gayi......
nazar se nazar mili aur
kya kya baat ho gayi........
main shrmane lagi ,
woh ghabrane lage,
jaise humse koi
hasin gunah ho gayi.......
tabse yaaroo muskurati hun har pal
sayad mujhko unse Mohabbat ho gayi.......

Tere aangan main ek diya hoke jalna chahati hun

2009-07-31T01:48:00.000-07:00

Tere aangan main ek diya hoke jalna chahati hun
har sham tere paas main rehena chahati hun

Rafta rafta bikhar chuki hun tere pyar mein
ab har sapna main sakar karna chahati hun

chahat ki safar to kai imtehan letaa hai
main har imtehan tereliye dena chahati hun

tere pyar ke khatir yeh zalim duniyan se
main roz bagawat karna chahati hun

bechain palkon se tere aane ke intezar karti hun
tere mathe ki pasina in aanchal se mitana chahati hun

koi sapne ki duniyan hai to le chal mujhko
main pariyon ki kahani tujhe sunana chahati hun

Pyar main do labz ab bol de aaj Diya ko
puri zindegi tere hawale karna chahati hun

Mujhe apna banane ka wada to kar

2009-07-31T01:40:00.000-07:00

Mujhe apna banane ka wada kar
main teri hun tu mere banne ka wada kar

sapne hazaron hain nigahon main
woh sapne nigahon main sajane ka wada kar

jab jab samne aate ho tum
mere dil bekrar karte ho tum

main chahat ki safar main youn kho jaun
tu humsafar banega meri yeh wada kar

sirf labzon se ekrar hota nehin
Ek nazar main pyar hota nehin

main pyar main bikhar jaungi
tu samet lega mujhe yeh wada kar

kehete hain mahabbat imtehan leti hai
main har imtehan de dungi tere khatir

Tere ishq main faana ho jaungi
tu mujhko na bhulane ka wada kar

koi umeed na raha

2009-07-31T01:38:00.000-07:00

Tute dil main ummid ka kai kinara na raha
Zinda rehene ka yahaa.n koi bahana na raha

dil me koi khwhahish koi armaan bhii na raha
mere labon pe ab us sitamgar ka bhii naam na raha

main unse miloon, ye bechaini bhii jati rahi
in aankhoN main bhii kisika intezar na raha

Raat ka ek phool huuN, murjha jaungi subha tak
ab to mujhse khusboo ka wo bahana bhii na raha

gazalo.n aur nagmon ki bate.n kya kare.n
dil main khud ko gungunane ka armaan na raha

"Diya" HuuN, bujh jaungii subah ke ujale meiN
mujhe kabhii ujaalo.n se koii lagav na raha

2009-07-31T01:35:00.000-07:00

Bahot Chaha Hai tujhe, Kitna Pyar Karti Hoon
Yeh Aaj Tuk tujhe Lafzo Me Main Bata Na Sakii

Mere Ashq-E-Gham To Bahe to Magar
Main Na Dil Kisi Ka Bhigo Sakii

Naghama-E-Ishq Bahut Likhe humne
Koi Beej-E-Ishq Na abtak Bo Sakii

Tujhe Pyar Kiya kya se kya main ban gayii
tere baad kisipe Kitna Yaqeen kar na sakii

Tumhe Yaad Nahi Karoongi Aisa Bhi socha nehin
tujhe bhool na chaha magar bhool na sakii

Tumahre Aakhri Lafz Kuch Itne Bhaari TheKi
Unke Aage ‘Diya’ Apni Zuban Hila Na Sakii