thahar jao sanam haseeN raat baki hai

..................


thahar jao sanam haseeN raat baki hai
rasm-E-muhabbat ki saari baat baki hai

kar diya hai main ne chaahat ka izhaar
tere labooN se ab ye soughaat baki hai

shuru yeh silsila toh ussi roz huaa thaa
kahaa thaa jab tum ne iltifaat baki hai

sulagti hai raateiN meri, sulagte haiN din
Dilbar tere pyaar ki barsaat baki hai

guzar na jayeN kahin ye pal bekhudi ke
suna bhi do ulfat ki jo bisaat baki hai

jalti hai "Diya" tere ishQ ki aatish meiN
aur keh rahe ho tum , shuruwaat baki hai

9th nov 09