Monday 25 January 2010

"beh gayee saari hasrateiN meri ashQoN meiN"

.................................
beh gayee saari hasrateiN meri ashQoN meiN
ab machalte nahiN khwab meri aankhoN meiN

phela raha hai nafratoN ka zehar jo char soo
woh masihaa ban ke baithaa hai logoN meiN

tere iraadoN se waaqif hooN maiN barsoN se
mat uljhaa mujhe tu in siyaani baatoN meiN

chhupaayaa hai duniya se is nayab daulat ko
danish-war jisse dard kehte haiN lafzoN meiN

vo qareeb ho kar bhi, tujhse kooso door raha
farQ rahaa kiyaa habibooN aur raQeeboN meiN

ajal dila de mujhe rah-e- haq magar, ye Moula
kar de Diya ko shaamil lakhoN sitaaroN meiN


-Diya

25th jan2010

No comments:

Post a Comment