Wednesday 27 January 2010
.............
rasm shiddat se nibhaate rahe
hum rote rahe wo rulaate rahe
lahoo aansoo ban ke behne laga
hum peete rahe wo pilaate rahe
daastan un k mashghalooN ki aksar
hum sunte rahe wo sunaate rahe
shab bhar chaiN se bistar per
wo sote rahe, hum phuslaate rahe
zakhm hi zakham haiN jigar per
wo batlaye, hum chhupaate rahe
badi mehnat se kamayi thi izzat
wo mehfil mehfil usse lutaate rahe
roshni hui gayab humare ghar se
wo jashn deewali ka manaate rahe
humare dil meiN khud reh kar Diya
hume apne dil se wo mitaate rahe
27jan2010
Subscribe to:
Post Comments (Atom)
No comments:
Post a Comment