........
Jab se chehre ajnabi apnoN meiN bhi dikhNe lage
gul humaare lab pe tab khilne se bhi darNe lage
apnii sachaaii se bhi jab saamnaa Na ho sake
aainoN se khauff khaate hum bhi tab milNe lage
zakhm rozana naye milne lage jab se hume
ahal-e-duniya ke naye rangoN meiN hum dhalNe lage
daastaaN e ghum kabhi humne sunaaii jab unhe
kis ko hai tera yakeeN ? kahte hue chalNe lage
dard ke saaye tale guzarii Diya itnii shabeiN
muskura kar ab naye har ghum se hum milNe lage
11 march 09
Subscribe to:
Post Comments (Atom)
No comments:
Post a Comment