jhuki hui nazaroN ko tum nazaakat likh daina
meri khamoshi ko daur e Qayaamat likh daina
rota hai jis ruswaayi pe dil zaar zaar aaj bhi
mere pyaar ki usse tum amaanat likh daina
dard ko bayaan karooN jab meiN muskurate hue
usi hansi ko tum khudaa ki inaayat likh daina
jis din aajayegi teri Qalam meiN rawaani
meri bewafai ko tum meri saraafat likh daina
raah chalte chalte yun chooth jaye saath toh
fariyaad mein tum meri sikaayat likh daina
30 july 09
mari khusi ke beh jaaye ashq in aankhooN se
tou in aadaooN ko tum meri aadat likh daina
gar mohabbat meiN ban gayi muzrim main teri
apne labon se tum meri zamaanat likh daina
tere ishq mein jal kar pighal rahi hai "Diya"
meri mohabbat ka naam tum ibaadat likh daina
Subscribe to:
Post Comments (Atom)
No comments:
Post a Comment